ازاي تتعاملي مع طفلك اللي مش بينام غير وانتي شايلاه

ابني مش بينام غير وانا شيلاه ،، اول مبسيبه علي سرير يصحي و يصرخ ولازم اشيله تاني ..

أنا تعبت اعمل ايه ؟!؟! 🙄

طبعا مش هتصدقي السبب و كمان الحل !! 😮😮

السبب هو إفراز هرمون الخوف الادرينالين و الكورتيزول ، ابنك بيعرفك من ريحتك و من ملمسك ودا بالنسباله الأمان . 😍

و للأسف مش بمنتهي السهولة هتقدري تغيري دا ولا تعتقدي انك لما تضلمي الاوضة و تهدي الجو و تسيبيه بالراحة جدا و تمشي علي طرف صوابعك انه مش هيقوم علي صرخة واحدة 😣

لإن الموضوع فسيولوجي و اول مهتسيبه والادرينالين هيطلع و هيسببله نوبة خوف 😑

معظم الاطفال الموضوع بيهدا معاهم بالتدريج من الشهر الرابع لما بيبتدوا يوعوا علي الدنيا حواليهم 😗

تقدري تساعدي الطفل بالتدريج من غير متحاولي تضحكي عليه ودا عن طريق :

١. انك تحاولي تغطيه بأي حاجة من لبسك فيها ريحتك زي شال مثلا ❤

٢. بعد منيمتيه علي ايدك ، صحيه ، طبعا عارفين انك تعبتي جدا عشان توصلي للحظة دي بس بإنك تصحيه قبل متسيبيع انتي كدة بتوعيه انك هتسيبيه يكون لوحده وبالتالي حالة الخوف بالتدريج هتقل ، طبعا ممكن اول ٢٠ او ٥٠ مرة تعملي كدة و يفشل بس هيكفيكي شرف المحاولة و بعد شهر ممكن تنجحي جدا انك تقللي خوفه وهو لوحده 😍

٣. لما يعيط بعد متسيبيه متشيليهوش علي طول سيبيه يتكيف و افضلي طبطبي عليه كتير و سمعيه صوتك لو هدي سيبيه ينام ولو مهديش شيليه و عيدي الموضوع من تاني .

ايوة كتير مش هتنجحي بس الامومة فيها حاجات تتكيفي عليها و ترضي بوجودها قبل متعودي ابنك حتي عليها ودا هيخليكي تتقبلي النتايج من غير توتر ..