علموا اولاكم وبناتكم


1- يقصوا ضوافرهم
2- يعرفوا الهدوم النضيفة من إللي محتاجة غسيل
3- يعرفوا يعملوا سندوتش )يأكلوا نفسهم أو غيرهم)
4- يشيلوا طبقهم بعد الأكل و يفضوا البواقي قبل ما يحطوه في الحوض
5- يمسكوا طبق تحت البسكوت أو الشيكولاتة أو أي حاجة تانية عشان الفتافيت
6- يكلوا من الجزء القريب ليهم في الطبق و من غير دوشة و تخبيط
7- مايكلوش بكل إيدهم و صوابعهم و طبعا و بقهم مش على مصرعيه
8- يبقى عندهم وعي بنفسهم و جسمهم و ريحتهم و نضافتهم
9- ينشروا الغسيل و يلموه
10- مايخشوش بيوت الناس من غير إستئذان
11- مايتحشروش في خصوصيات الناس
12- مايدخلوش على حد بيته بإيدهم فاضية و خصوصاً أول مرة
13- يلموا الزبالة و يشيلوا الحاجة الواقعة من غير ما حد يطلب منهم
14- يعرفوا يسرحوا شعرهم
15- يختاروا لبسهم و تفاصيلهم و قصة شعرهم
16- يفتحوا الباب للكبار (وللست) و يعدوهم الأول و يدوهم دورهم في الطابور لو لزم الأمر
17- يشيلوا معاكم أكياس الخضار أو السوبر ماركت أو أي أكياس تانية أو على الأقل شنطتهم
18- يعرفوا الفرق بين الطناش و اللامبالاة و التنازل و التسامح و أخد الحق و الجبروت
19- يرقصوا…يغنوا…يرسموا…يتكلموا…يجروا…يعبروا…
20- يسألوا و يتسائلوا و يناقشوا و يعترضوا أو يقبلوا
21- يطفوا الأنوار و الأجهزة الغير مستخدمة
22- إزاي بنقفل البيت قبل السفر و ليه بنفتح الشبابيك الصبح
23- يغسلوا الكوباية إللي شربوا فيها
24- يعتذروا بس لو مقتنعين و بجد آسفين
25- يتكلموا بصوت واضح و يبصوا في عين إللي بيكلموه
26- ياخدوا قرار و يتحملوا عواقبه
27- يعملوا أوردر و يراجعوا الحساب…و يسيبوا تيبس مش مجرد فكة
28- يحنوا على الفقير و المشرد و الضعيف و المسكين
29- يقربوا من الحيوانات بدون خوف و يحسوا بيهم و يأكلوهم
30- يسألوا على أصحابهم و قرايبهم
31- يبدأوا بخير … كل مرة و على طول
32- الجمع و الطرح و جدول الضرب من غير آلة حاسبة
33- يقروا كتب و يشوفوا أفلام و يتذوقوا الفن و يقدروه
34- يحبوا و يكرهوا و يفرقوا بين الإتنين و يتصرفوا بإللي حاسينه
35- مايخافوش
36- ماييأسوش
37- مايهربوش
38- مايكسلوش
39- مايستعفوش و مايفتروش و مايتريقوش
40- ولو عملوا أي حاجة من دول يتحملوا عواقبهم و تأثيرهم و مردودهم على حياتهم
41- يسمعوا عشان يتسمعوا
42- إن الإختلاف مش سبب للقطيعة أو الخناقة أو الغضب أو الفراق
43- يقبلوا غيرهم عشان يتقبلوا
44- مايسلموش لحد و يمشوا وراه عمياني
45- يختاروا إللي يناسبهم هم….بس
46- يسمعوا صوتهم الجواني
47- يسلموا سلام فيه ثقة و إحترام
48- يقبلوا الفشل و يفضلوا يحاولوا
49- يحافظوا على مساحتهم الشخصية و النفسية
50- مايسيبوش أحلامهم ولا يغيروا دنيتهم عشان شخص
51- يقدروا ظروف الناس
52- يسعوا لحب الناس و يحافظوا عليه
53- الحمد و القناعة و الرضا
54- الطموح و المثابرة
55- الشجاعة و الحذر
56- يتصرفوا إزاي لو تاهوا
57- ما يخافوش يسألوا و يتسائلوا عشان يوصلوا
58- قيمة التعب و المجهود و الشغل و كسب قوتهم
59- يعتذروا عن إقتناع
60- يحلوا مشاكلهم
61- يدفعوا الحساب
62- يقدروا إللي ساعدهم أو قام على خدمتهم
63- يضيعوا وقتهم في حاجة بيحبوها قوي
64- يستثمروا شوية وقت في حاجة هاتفيدهم
65- يسافروا
66- يسافروا
67- يسافروا
68- يحبوا يحبوا يحبوا
69- يرقصوا
70- يرقصوا
71- يرقصوا
72- يقبولوا نفسهم و إختلافهم عن غيرهم و يعرفوا مميزاتهم و عيوبهم و يستغلوهم لصالحهم
73- يختاروا كلامهم
74- يختاروا علاقتهم
75- يختاروا خناقتهم
76- تهذيب النفس
77- تجديد أولاويتهم و إعادة ترتيبها لما يحتاجوا
78- يرتبوا دولابهم
79- يدوا… زي ما بياخدوا
80- الفن و العمارة
81- التاريخ
82- الحيادية
83- لو مش عارفين أو مش فاهمين أو مش متأكدين … يسألوا
84- إن ماحدش بيعرف كل حاجة
85- إنه من الذكاء إنك تبقى عارف إنك مش أذكى واحد
86- إن الوصول لقمة النجاح ممكن يكون بداية الخسارة لأن الحفاظ على النجاح أصعب من تحقيقه
87- يعملوا فلوس و يحوشوا
88- مايخافوش من الجرح ولا الخسارة
89- إن الوقت الصعب بيحلي رؤيتنا للدنيا
90- إن الخسارة بتعلمنا نقدر المكسب
91- السباحة
92- الرفض
93- الإختيار
94- تحمل عواقب الإختيار
95- الجَّلَد
96- شوية نجارة و أعمال يدوية يعرفوا يصلحوا بيهم المكسور
97- يقروا مواصافات الأدوية و أعراضها قبل ما ياخدوها
98- فصيلة دمهم و تفاعلات جسمهم مع الأكل أو الأدوية و حتى أنواع الرياضة
99- يعترفوا بماشكلهم
100- يطلبوا مساعدة
101- يقيموا الناس
102- يتقوا شرهم
103- لما دنيتهم تحلو ماينسوش إللي كان معاهم و جنبهم و هي وحشة
104- مايستعفوش
105- مايتنمردوش
106- مايخونوش الأمانة
107- مايكتموش الوجع و الغضب عشان عمرهم ماينقصفش و جسمهم مايشتكيش
108- يلبسوا إللي مريحهم و لايق عليهم
109- ياخدوا صور حلوة و يحطوها حواليهم في البيت و المكتب
110- يرجعوا الحاجة مكانها
111- يبقى ليهم خصوصية و سر و خزنة و مساحة خاصة يحفظوا فيها إنشالله حتى فكرة أو حلم مايشاركهمش فيه و لايعرفه حد
112- مايبنوش آمالهم ولا آلامهم و لايرسموا دنيتهم على شخص
113- مايتعلقوش بالحبال الدايبة
114- يدخلوا في شراكات و يخرجوا منها بهدوء و كياسة و أدب و بأقل الخسائر الإنسانية!
115- يبقوا إللي هم عايزين زي مايحسوا و وقت مايقدروا بدون التعدي على “أي” آخر!
116- يقولوا الحقيقة
117- يغلبوا كبريائهم
118- يشوفوا الصورة الكاملة و يخرجوا برة الموقف عشان رؤيتهم تكون أوضح
119- ياخدوا حقهم
120- إن النفس أمارة و الإيمان حياه و الرضا هنا

علموهم إننا ماينفعش نعلم حد حاجة إحنا أصلاً مابنعملهاش و ربوهم عشان ينفعوا نفسهم قبل ماينفعوا غيرهم… يختاروا يعيشوا حياتهم إللي في نِفسهم رغماً عن نفسكم إنتم! ربنا يحمي ويحفظ جميع اطفالنا ويجعلهم ذريه صالحة