علمي بنتك اساسيات حياتها

فين ام البناااااااات تعاااالي لو يهمك مصلحة بناتك في كلام مهم هيتقال لازم تعرفيه..
كلام مهم يا ماميز أقرى وسيبي إي تعليق عشان غيرك يستفيد.. 👶🌱🌷
♥علمي بنتك (الجزء الأول )
النهاردة هتكلم عن حاجات مهمة لازم تعودى بنتك عليها من صغرها عشان لما تكبر تبقى ليدى فعلا وكلها انوثة و رقة و دلع ونضافة ليه عشان انتى هتكونى عودتيها من صغرها على حاجات مهمة جدا

تانى حاجة هتكلم بقى لما البنوتة الصغيرة تكبر شوية مجرد تبقى واعية زى البنوتات اللى ف الصور كدا
مبدأيا هقولك ان اللى اتعود على حاجة خلاص بتفضل معاه طول عمره انتى ممكن تتعبى معاها الاول فى تعوديها بس هترتاحى جدا بعد كدا
علمى بنتك …..
اولا المظهر الخارجى 👯👯
👈اهتمامها بنفسها -شعرها-اكسسوارتها-دولابها-فساتنها- حركتها علمي بنتك الدلع من صغرها
👈في البيت لبسيها بجامة حلوة واكسسوار حلو شربات وشباشب بنتيتي الونها حلوة
👈علميها اول ما تصحى تغسل سنانها وتسرح شعرها
👈لبسها هي اللي تختاره وانتي معاها برضوا تساعديها
👈شاوريها في لبسك انتي عشان تديها ثقة في نفسها
👈عمرك شوفتي واحدة دلوعة معندهاش ثقة في نفسها
👈 علميها ان الشراب بيتلبس مرة واحدة بس ويتغسل
👈 وان الملابس الداخلية لازم تتغير كل يوم و يتحط فى سبت الغسيل
خليها تعتني بنفسها💅💅👒💄
👈اشتري لهامنتجات العناية بالجسم (زي كريمات-لوشن- شامبو) علميها على الاهتمام بنفسها من صغرها
👈عوديها ترطب شفايفها باستمرار اشتري لها مرطب خاص بيها
👈 عوديها بردو على ترطيب ايدها و خصوصا فى الشتاء
👈 عوديها اول ما ضوافرها تكبر شوية تيجى تقولك تقصهالها
👈خليها تلبس اكسسوارات تنفع لسنها زى حلقان واساور وساعة يد واياكي تلبسيها حاجة اكبر من سنها.

شعر بنوتك 💇💇💇
👈عوديها تعتني بيه لانه تاج جمالها
👈اشتري لها مشط بنوتى خاص بيها وكلبسات واطواق
👈ابدعي في تسريح شعر بنوتك عشان تتعلم التغيير فى استايلها دايما لما تكبر .
النظافة الشخصيية 👼👼
👈لازم تستحم باستمرار
👈حطي لها شبب بنوتي حلو واكسسوارات حمام ناعمة زى ليفة و شاور جيل خاص بيها
👈وروب حمام يفتح النفس ومناشف صغيرة واحدة لوشها والتانية للمنطقة الحساسة
👈هاتيلها عطور مخصصة للاطفال عشان تتعود ريحتها تكون حلوة
غرفة نومها👧
👈لازم يكون كل حاجة فيها تدل على انها غرفة بنت
👈مفرش السرير -الدولاب-صندوق الالعاب-الستاير
👈وتكون الوانها هادية ورقيقة وحلوة مش لازم يعني كله بمبي بمبي
👈 علميها لما بنصحى من النوم بنوضب سريرنا حتى لو مش هتعرف بس تحاول معاكي
👈حطي لها مكتبة في غرفتها فيها كتب وقصص وحببيها في القرأة عشان تطلع دلوعة ومثقفة وواعية مش جاهلة
👈 علميها من صغرها تبقى مرتبه تحط كل حاجة فى مكانها شرابتها توكها لعبهت لبسها مش انتى تمشى تلمى وراها قوليلها عينى دى هنا ودى هنا واحدة واحدةه تتعلم احنا اتفقنا انك عاوزة تربى صح
الصلاة 🔔🔔
اشريكها معاكى والاحسن انك كل ما تجي تصلي تنادينها وتتوضأ معك وتعلميها الوضوء والصلاة حتى لو بتتلخبط لانها صغيرة مش مهم بس تتعود عالصلاة ولما تكبر شوية ممكن ارسمى لها رسومات عن الصلاة او جيبى ليها كتب مصورة عن ازاى نصلى ونقول ايه ف الصلاة
الصوت العالى📣📣
👈بطلى شخط و زعيق قدام بنوتك طول النهار حتى لو عملت حاجة غلط يبقى براحة بلاش الزعيق و النرفزة البنت بتتاخد بالها و بتتعلم من ال حواليها عشان منرجعش نندم و نقول البنت بقت بتعلى صوتها عليا و اسلوبها ف الكلام وحش مهى لو شايفة مامتها ع طول اسلوبها كويس و معاملتها حلوة البنت هتطلع زيها لان هيكون ده اللى اتربت عليه
الكلام اللى بتسمعه 👂👂
👈 بطلى و انتى قاعدة مع اصحابك كدا تتكلمى على حد و تشمتى فى دى و فى دى و بنتك قاعدة جنبك او بتتكلمى ف التليفون الللى هتقولى بنتى قاعدة تلعب و مش واخدة بالها اقولك لا البنت بتلقط كل حاجة وبيبقوا اذكية جدا و ممكن يسمعولك الكلام اللى قولتله كمان يبقى ناخد بالنا قدام بناتنا من كلامنا اوووى
اللعب 👫
👈 لو البنت ليها اخ و نازل الشارع مثلا مشوفكيش تقولى للبنت يلا روحى العبى مع اخوكى والبنت تنزل الشارع و تلعب مع اخوها واصحابه ف الشارع لا متعوديش بنتك على الاسلوب ده البنت متلعبش العاب الولاد كورة بقى او حاجات من دى قولنا عاوزين تبقى بنت رقيقة و دلوعة من صغرها 👈وحاولى دورى على موهبة بنتك من صغرها و نميها لما تقرايها متبخليش بدعوة حلوة ليا

ثانيا النظافة الشخصية:

  1. تلبس الشراب مره واحدة بس
  2. تغسل رجيلها بعد ما تقلع جزمتها
  3. الاندروير يتغير كل يوم وبعد كل خروجه فيها حركه كتير
  4. تغير الاندر وقت البريود مرتين ف اليوم واندرويرات البريود متتحطش ف الغسيل تتنقع وتتغسل لوحدها
  5. الهدوم الداخلية عموما تتغسل لوحدها ع درجه حراره عاليه يا تتنقع لوحدها بشويه مسحوق قبل ما تتحط ف الغسيل
  6. تستخدم المناديل وتنشف بعد الحمام ومتنسيش تحطلها باسكت في الحمام
  7. علميها ماتسيبش أي أثر وراهاع التواليت تمسح بفوطة فيها كلور او ديتول او كحول او وايبس مطهره وتشد السفون وتغسل ايديها
  8. تتخلص من الشعر باستمرار وتغسل اندر أرم وتتخلص من العرق أول بأول
  9. الشعر اللي بيقع ف المشط بعد ما تسرح مايتسابش وميترميش ف اي حته يتجمع في كيس ويترمي في الباسكت
  10. تغسل أسنانها قبل ما تنام واول ما تصحى من النوم وبعد ما تاكل اي اكله خاصة اذا كان فيها بصل او توم
  11. تستحمي لما تلاقي نفسها عرقانه مش تفتح التكيف او تحط اسبراي
  12. هدومها العرقانه تقلعها وتحطها ف الغسيل مش تسيبها تنشف وتعلقها وتلبسها تاني يوم
  13. ضوافر ايدها ورجلها ع طول مقصوصه ونضيفه
  14. كعب رجلها يتحك بمبرد او حجر رجل مع كل دش
  15. تحافظ ع ريحه شعرها حلوه الشعر التقيل والطويل لما يتغسل ويتلم ويتعمل كحكه ويتحط عليه طرحه بيكمكم والتوكه القماش بتعمل ريحه وحشه للشعر يتعمل ديل حصان او يتساب لحد ما ينشف او يتنشف بالسيشوار من بعيد… الزيوت ف الشعر بتعمل ريحه وتتغسل بعد ما تتحط للتقويه بس
  16. الحبوب اللي في وشها عايزه نظافه واهتمام
  17. تغسل ايدها قبل ما تلمس اي اكل وبعد ما تاكل اي حاجه بايدها ..

وأخيراً:
… علميها وفهميها كل دا عشان جوزها في يوم من الأيام يدعيلك مايدعيش عليكي
…….. عشان محدش يتعامل معاها ويقرف منها
…… عشان ولادها يطلعوا نضاف زيها
…. المستوي الراقي تربيه نضيفه قبل ما يكون تعليم ف مدارس اجنبيه
…… الست الراقيه راقيه في نفسها مش ف وظيفه مالتي انترناشونال ولا لبس ومجوهرات . الهاي كلاس اسلوب حياه مش براندات واوبن داي وعربيات وموبيلات اخر موديل .


الجزء الثالث

هنبدأ بالسن الصغير خليكي معايا وحدة وحدة
عندك بنت كملت 3 سنين بدأت تتعود على التواليت وقلعت البامبرز 🚽🛀
يعنى من دلوقت لازم تبتدى تفهميها معنى عورتها 👼☝..تعلميها تدخل الحمام وحدها حتى من غيرك 🚺⛔..مفيش حاجه اسمها باب الحمام مفتوح عشان هى خايفة :’ادخلى معاها واقفلى الباب وطمنيها إن الحمام مفهوش حاجة تخوف 👿 3:) اصبرى شهر واثنين وتلاته فالشهر الرابع هتدخل وحدها وتقفل الباب بكل بساطة .علميها إزاي تغتسل كويس وحدها مرة هتغرق هدومها 💧💦🐳ومرة هتغرق الحمام كله بعد كده هتتعلم ..
لو عندها اخوات أكبر أو أصغر ممنوع تقلع قصادهم مهما حصل 👫 ولو حصل وعملت كده تتنبه مرة والمرة ال بعدها تنضرب ضربة توجعها 👊 عشان تعرف إن الأمر ده مفهوش هزار ..عندك ولد وبنت 👫 ممنوع يستحموا سوا ويشوفو عورات بعض حتى لو هما أطفال مش مستوعبين حاجة ..عندك ولد وبنت ممنوع 👫 يغيبوا عن عينك وهما بيلعبو الطفل فى السن الصغير بيبقى فضولي للجنس التانى وبيقارن نفسه بال قدامه واستكشافه لوحده للأمر ده هيفتح باب أنتي فى غنى عنه فالسن ده ..
عندك ولد وبنت 👫لازم تعلِّمى كل واحد منهم أن فيه نظر حرام 👀.. وعينينا عشان تدخل الجنة لازم متبصش على حد عريان 🚼..
من خمس سنين وطالع بنتك ممنوع حد يشيلها ويقعدها على حجره 🙋❎ ولو إنتي مش موجودة معاها هى متعلمة و عارفة ان ممنوع حد قريبى أو صاحب بابا أو عمو بتاع السوبرماركت ..
ممنوع .❎⛔. ممنوع حد يلمس جسمى فى مكان معين ولو حصل اول رد فعل شخصى من الطفلة هو الضرب والصريخ بدون مقدمات .. وتعلِّميها إزاي تضم ايديها وتضرب فى الأنف 👊😻..
من سبع سنين وطالع ممنوع حد يبوسها من صحاب بابا أو الجيران أو المعارف نهائيا .. بس العم أو الخال أو الجد وبحضور الأهل 💋👫..
حمام المدرسة 🚽🏫.. أول مكان تروحى تشوفيه لما تروحى تحجزى مدرسة لولادك .. لازم يكون منفصل بنات عن ولاد ويكون له قفل من جوة 🔓🔐سهل الفتح والقفل للطفل ..مفيش حاجه اسمها الدادة هتدخلهم ..
باص المدرسة 🚌 ميتركبش من غير مشرفة مهما حصل حتى لو هيغيب الطفل أو توديه بنفسك ..☀ ده مش هسهس ولا أفورة ☀..
👈 الغلطة ال ممكن يتعرضلها طفل فيما يخص التحرش كفيله انها تؤذي نفسيته مدى الحياة… ولا يبرأ منها 💏 😰ده أهم حاجه لازم تشغل بالك ك أم أو ك أب عايش فى زمن البنى آدم فيه بقى مُشَوَّه لا يرعى رب ولا حرمة ولا دين دى رعيتك .. الللى ربنا وصّاك عليها وسبيل الجنة 👶🌱🌷..


نيجي بقي للسن الاكبر المراهقه

علمى بنتك
🔸 تتحمل معاكى المسؤلية
🔸تشيلك وانتى تعبانه..
🔸الأمومة مش زعيق وأوامر..
🔶الأنوثة مش صورتها وهى عامله بوز ع الفيس بوك
🔶الجواز مش فسح وبس..ولا هو نكد وبس
🔸المسلسلات التركى بتكذب..
🔸النظافة الشخصية مش برفيوم من ع الوش..
⏪🔴⏪سنن الفطرة (قص أظافر- حلق العانه- نتف الإبط)..
👈فيه اختراع اسمه شبه أو مزيل عرق..
🔷يعنى إيه حيض ونفاس..
يعنى إيه غسل..
🔹التطور الطبيعى لنمو جسمها..
🔹الحب مش حرام بس ف مكانه الصح..
🔹الشات مع الولاد حرام مش عيب..
تتعامل مع الولاد بحدود..
🔹هى بس اللى تقدر تحط الحدود مش الولد..
🔹”ابن عمى زى اخويا”..لا هو مش اخوها لانها ممكن تتجوزه ..
🔸الركوب مع زميلها كل يوم مش حاجه عادية…
👈الفسحه مع صحابها الصبيان غير مقبوله …
👈جسمها مش مشاع لأى حد يلمسه ولو تهريج ..✋✋
🔷تلبس اللى هى عاوزاه مع صحباتها بس تغطى العورة..
🔷فيه حدود للبسها قدام اخواتها الصبيان..
🔷تعمل اللى هى عاوزاه ف حنة صاحبتها طالما مش حرام..
🔷طبيعة البنت غير الولد ولذلك مسؤلياتهم مختلفه..
👈الاتنين واحد ف الحلال والحرام ومش هيتحاسبوا تبع الجنس..
مفيش حاجه اسمها عشان ولد يعمل اللى هو عاوزه..
🔸أخوكى تحبيه..وتساعديه..لكن انتى مش شغاله عنده..
🔸لما تتجوز هتكون مسؤله من زوج يصرف عليها مش هى اللى تصرف عليه..
🔸الجواز يعنى سكن ومودة ورحمه..مش خناق وإهانه ولعنه..
إن ربنا كفل لها كل حقوقها …
🔸الجواز مش يعنى كنس ومسح ومواعين..
🔸علميها ازاى تكون زوجة حنونة ومحبة وأم تحافظ على بيتها وأولادها
علميها ازاى تحب جوزها..وازاى كمان تقوله احتياجاتها..
🔸علميها ..وفهميها..بدل ما تتجوز وترجع تقعد جنبك بعد كام شهر..
🔸الأم أقرب واحده لبنتها..قربى منها..إحتويها..شاركيها..وقولى لها قد إيه انتى بتحبيها…عشان تبقى انتى مرجعها والصدر الحنين حتى لو غلطت ..
⏪🔴⏪بنتك هتبقى زوجة و أم خلاص..الصغير بيكبر..خلى يبقى ليكى ذكرى حلوة ف قلبها تفتكرها وتبتسم وتقولها دايما :” شكرا يا أمى” . 💝