نصائح للعروسة

نصايح ليكي وانتي بتشتري جهازك

  • 💜بلاش الحاجات الكتير اللي مش هتستعمليها يعني بلاش أربع أطقم حلل جيبي احتياجاتك بس كفايه اوي طقم حلل واحد يكون فيه كل المقاسات ويكون بتحبي تسنخدميه يعني استالس او تيفال او سيراميك ولو الطقم خمس حلل صغيرين ممكن تجيبي كام حله كبيره بيتباعوا لوحدهم 🌻
  • 💜اطقم الاطباق العروسه بتشتري كل الاطقم صيني واركوبال وبيركس كفايه طقم واحد بس كبير
    او حتي جيبي اطقم العشاء جيبي طقمين مختلفين اشكال جديده وحلوة 🌻
  • 💜بالنسبه للكاسات الكتير والكوبيات حاولي تجيبي في المطبخ وألغي فكره النيش 🌻
  • 💜اهتمي بالحاجات الرقيقه وديكورات المطبخ والاطقم المختلفه والوانها🌻
  • 💜بالنسبه للمفروشات والفوط بلاش الاعداد الكبيره وبلاش تعملي زحمه علي الفاضي بلاش خمس بطاطين كفايه اتنين ولما تبقي تعملي اوضه اطفال ابقي جيبي
    الفوط كمان هاتي المعقول🌻
  • 💛بالنسبه للبس بلاش تكتري علي الفاضي الموضه بتتغير وهتلاقي حاجات كتير مش بتستعمليها ولا لبستيها هاتي خمس اطقم خروج صيفي وخمسه شتوي علشان لما تحبي تجيبي جديد
    ولبس البيت والترنجات بلاش 12و15و50 هاتي المعقول 🌻
  • ❤اختاري الوان هاديه للدهانات والانتريه والاوض بلاش بني ونبيتي مصر كلها عملاه التجديد حلو 🌻
  • ❤كمان اهتمي بديكورات البيت اكتر واعملي ستاير رقيقه 🌻
  • 💚نصحيتي ليكي كل ما بيتك رقيق وهادي كل ما هتبقي مرتاحه فيه اكتر ومش هتتعبي في التنضيف ولا الترتيب🌻