اساليب التعامل مع الرجل


الستات تصحصحلي وتجمع هنا
شوية حاجات لازم كل ست تكون حفظاهم علشان تقدر تتعامل مع جوزها وتعيش حياة سعيدة
١- ناكل إيه بكرة ؟!!
في اللحظة دي الدنيا بتسود قدام الراجل وبيبدأ يدخل في حالة إكتئاب وبداية تخلف عقلي .. ويبدأ يفتكر الأسئلة التعجيزية في امتحانات الشفوي
هو بياكل أي حاجة في أي وقت
السؤال ده تسأليه بينك وبين نفسك وبصوت واطي وتعملي أي حاجة وهو هياكل بمنتهى السعادة.
وهناك مكان محجوز في الجحيم لهؤلاء اللائي يسألن أزواجهن هناكل إيه بكرة.

٢- الحواس ٥ .. عند الراجل مبيشتغلوش مع بعض وأعطالهم كتير ومعظمهم شغال بإتنين منهم بس
حاسة التذوق وحاسة اللمس
أما بقى إنك غيَّرتي نوع البيرفيوم أو غيَّرتي قصة شعرك
كل دي شكليات.

إنك نضفتي الشقة أو غيَّرتي مكان الأنتريه أو مكان السجادة
هو مش عارف ولا فاكر أماكن الحاجات دي أصلًا !!!
بس لو غيَّرتي مكان التلاجة هياخد باله.

٣- لما تلاقيه قاعد سرحان مش لازم يبقى بيفكر في واحدة تانية!
الرجالة بيسرحوا في اللاشئ “بيفسوا دماغهم”

٤- كل الرجالة بلا إستثناء عندهم زهايمر..
يعني لو عايزة طلبات فمش كفاية تقوليله هات كذا وإنت جاي .. لا أبسليوتلي
لازم تبعتيله رسالة على كل برامج التواصل علشان يفتكر وتبعتيله تاني وهو راجع من الشغل
ولو تقدري بنظارة مكبرة أو بندقية قناصة تحددي الوقت اللي هيعدي فيه جنب السوبر ماركت وتقتليه قصدي وتكلميه يبقى زي الفل.

٥- لما تحبي إنه يغيرلك لمبة أو يتصل بالسباك مش لازم كل أسبوع تقعدي تزني عليه في التأني السلامة والصبر مفتاح الفرج.

٦- الكسل دي صفة وراثية سائدة في الصنف كله لا أستثني أحدًا.

٧- الرجالة نوعين بغض النظر عن أخلاقهم ومستواهم الثقافي نوع بيحب الأكل ونوع بيحب حاجة تانية. ?

٨- الفانلة الداخلية في البيت مش عفانة ده الزي الرسمي للرجالة .. لو متضايقة هاتيله فانلات قطونيل ملونة.

٩- إختاري الوقت المناسب للمناقشات يعني مش وهو راجع تعبان من الشغل ولا وهو بياكل فتسدي نفسه ولا قبل النوم فينام متنكد ولا أول ما يصحى فيقوم متعكنن
ومش لازم تناقشيه أصلًا !!! ?

١٠- لو عندك راجل بيتكلم ويسمع (الإتنين مع بعض) ده تحافظي عليه وإوعي تقولي لحد إنه بيتكلم ويسمع
الحاجات دي بتتنظر ????
دي فصيلة نادرة وهيعملولهم محمية طبيعية قريب.

١١- لو بيساعد بقى في البيت وبيقلع جزمته برة ويعلق هدومه ويعمل شاي ومبتسم وبيقول كلام حلو وبيلبيلك طلباتك وبيفسحك
خلي بالك !!!
ده غالبًا عفريت أو كائن فضائي علشان النوعية دي إنقرضت.
أيوه زي ما قرأتي كده..

رجــــــاء : رجاءا من كل الأخوات الكريمات اللاتي استفدن من هذه المعلومات وبقليل من الجهد مشاركة الموضوع عبر احدى ازرار المشاركة بالاسفل ولكن جزيل الشكر.