تحضير الدجاج علي الطريقة الهندية
طبعا احنا كمصريين هنبقي اول مرة نجرب حاجة تانية غير اكلنا المصري العادي ف انا حبيت اني اجرب طريقة مختلفة جداا واكيد هتعجبكم
المقادير والمكونات:
- كيلو صدور فراخ متقطعه مكعبات متوسطة
- معلقتين كبار صلصه
- معلقتين كبار كاتشب
- معلقه كبيرة عسل
- 2فلفل حار
- .معلقه صغيرة جنزبيل
- معلقه صغيرة توم مفروم
- نص معلقه شطة
- باربريكا
- كركم
- كاري
- كمون
- كسبرة
- قرفه
- ورق لورا
- قرنفل
- معلقه كبيرة نشا
- ملح وفلفل
- بطاطس محمرة للتقديم
طريقة التحضير:
في حله علي النار هنحط قليل من الزيت ونشوح فيها الفراخ مع التوم والجنزبيل لغايه ماتاخد لون دهبي فاتح
وبعد كدة نضيف كل البهارات المطحونه مع التقليب المستمر ونضيف الفلفل الحاروالصلصه والكاتشب والعسل وكوب مااء مغلي ونسبهم يغلو كويس حتي تمام النضج
ونقلب النشا في نص كوب من المااء ونضيفه للفراخ ونتركهم علي النار حتي يتقل القوام
ثم تقدم قطع الدجاج وتزين بالكسبرة الخضرا
بالف هنا ..
