تعايشي مع طفلك … وعيشي لنفسك


اقروها كويس جدا ياجماعه بجد هتفرق كتير معاكم

في ناس لما هتقرا الجملة دي هتحس انها هتبقى انانية
بصراحة هي عجباني جدا ومحستش فيها بالاهمال لاي جانب
ايه المشكلة لما تبقى ليا حياة بجانب حياتي كزوجة وام
وليه دايما بنتوقع ان هيكون في اهمال لجانب منهم

وليه دايما لازم نختار بين
اني اكون زوجة بس
اوام بس
اوانثى ليها اهتمامتها وشغلها وصحابها وحياتها

مين قال مينفعش نجمع
مين قال هبقى مش مهتمة بباقي الجوانب

بصراحة بلاقي الهجوم من الستات نفسهم ( مش هينفع -مفيش وقت -مفيش امكانيات -محدش بيساعدني -محدش بيقدر )

?محدش هيحقق لنا احلامنا احنا اللي لازم ندافع عنها ونتعب عشانها واقتناعنا بالفكرة هو اللي بيجسدها قدامنا
-لو شايفة ان جوزك عائق لتحقيق حلمك هيبقى كده والعكس
-لو شايفة ان اولادك سبب تعاستك واهمالك لنفسك هيبقوا كده والعكس

? جربي تغيري فكرتك عن اللي حواليكي واتمسكي باهدافك بموازنة بينهم هتلاقيهم بيساعدوكي

استمتعي بكل مرحلة اديها اهتمامها اللي تستحقه
الطفل الرضيع احتياجاته مختلفة عن اللي دخل الحضانة عن اللي دخل المدرسة كلهم محتاجينك بس بمقدار بس كمان انت محتاجه تدي نفسك كتير
محتاجه ترضيها
تسعديها
تطوريرها بابسط الامكانيات

وهتلاقي تغيير وفرق
?استمتعي بامومتك
?استمتعي بانوثتك
?استمتعتي بزوجك
?استمتعي بنجاحك
ساعتها بس هتحسي انك مش ضحية مش عايشة عشانهم بس
?عملتي ايه النهارده لنفسك ❤️❤️

حبي نفسك وارضيها

انتي تستحقي انك تعيشي لنفسك وتبسطي غيرك في نقس الوقت

رجــــــاء : رجاءا من كل الأخوات الكريمات اللاتي استفدن من هذه المعلومات وبقليل من الجهد مشاركة الموضوع عبر احدى ازرار المشاركة بالاسفل ولكن جزيل الشكر.