طرق العنايه بالبشرة
?
احلي وأسهل وصفه ومن غير تكلفه كبيره وصفة سحرية لنضارة بشرتك حتخلى وشك رايق وابيض وصافى جدا ❤
الوصفة :
البرنامج ده بيخلى اللى عندها 40 سنه تبان 30 سنه
واللى عندها 30 سنه تبان 20 سنه
واللى عندها 20 سنه تبان 10 سنين
يعنى بيخفى كل الخطوط الدقيقه اللى تبان حولين العيون لما بنضحك
وحولين الفم لما بنضحك من الجوانب
وفى الجبين لما نكشر
بس تمشى على الخطوات اللى هاكتبها وفى خلال اسبووع واحد فقط هاتدعيلى وهاتبان ملامح وشك جديده
حبايبي الحلوين امشوا على الخطوات دي عن تجربة وهتدعولي بصي ياقلبي انت وهي
اولا : هاتروحى الصيدليه وتشترى كريم دوف الابيض العلبه الكبيره
وتشترى معاهم علبه كبسولات فيتامين E
وتفضى تلات كبسولات فى العلبه وتقلبيهم على بعض كويس
وتدهنى بيهم وشك كل يوم مرتين مره الصبح ومره بليل
هانخش فى المفيد المختصر الفريد
عارفين النيدو البودره
ايوه ده اللى مكتوب عليه المدعم وبالبريبايو
وحاطين فيه كوول فيتامينات العالم عشان العيال تكبر وتبقى ذكيه
ايوه اللى لونه ابيض مصفر كده
النيدو وبس اى لبن بودره تانى لا
ايوه اللى بيتباع فى كيسه ب2 جنيه عند البقال
هاتيه فضى الكيسه فى طبق واعجنيها بميه ورد وبس
عارفين اللى هاتفتكس وتقول احط عليه اى حاجه تانيه عشان اكمل الفايده لا انتى كده هاتبوظى النتيجه
افردى العجينه على وشك
وسيبيها لحد ما تنشف وتشقق لوحدها وبعد كده ابدئى افركيها
وبعد الفرك اغسليها بميه دافيه وبعدها ميه ساقعه
ونشفى وشك وحطى اى كريم مرطب يقابلك وبس
اجرى جرى على المرايه بقى
ولو عرفتى وشك يبقى ليكى الكلام
بجد حاجه تحفه فوق الوصف والخيال
الوش هايبقى صافي
وناعم جدا
كانك لسه عاملاه فتله بالضبط
ياله روحى جربى وخشى ادعيلى دعوه قويه ومفتريه
هاتعملى لعيونك الوصفه
جبت الخلاط وقطعت فيه خياره كبيره حلقات حلقات
وفتحت عليها تلات كبسولات فيتامين E
وحطيت عليهم ربع كبايه ميه ورد
وكمان ربع كبايه شاى مغلى
جبت البلاستكه بتاعت مكعبات التلج من الفريزر وصبيت الخليط فيها
وهوب على الفريزر عدل
وبعدما بقت شبه متجمده اخدت قطنه وبليتها بالخليط وعلى عيونى لمده ربع ساعه
وقمت جرى على المرايه اشوف المصيبه اللى ارتكبتها
لاقيت المفاجاه ?
عيونى بقت صافي البياض بياض ابيض والننى اسود اسود
واللمعان اه رهيب ايه محصلش
ونعومه الجلد الى حولين العيون حااااجه متوصفتش
بجد حاجه روعه وتجربه فى منتهى الجمال
رابعا : هاتبتدى البرنامج يوم الجمعه ويكون بحمام بخار عباره عن ميه حطى فيها حزمه بقدونس ولمونه مقطعه اربع
وكبشه شاى اخضر ومرمريه من عند العطار وتسلطى وشك على البخار لمده 10 دقائق
وبعدها تعملى صنفره لوشك ممكن صنفره جاهزه او ملعقتين سكر ونص لمونه عليها او سكر وعسل
خامسا : ودى اهم النصائح : انك تواظبى على شرب الماء بانتظام خاصه فى الصباح على الريق كوبايتين ميه كبار كده وحلوين ومكلبظين
وكمان بعد كل وجبه كوبايه حلوه كبيره
وبس هاتيجى على نهايه الاسبوع هاتلاقى نفسك وشك نور وربرب واتشد وابيض والخطوط اختفت تماما وتلاقى قمر
