طرق عمل اكثر من صنف للكفته
ملف لبعض انواع الكفته
1_الكفته على الفحم
المقادير:
- كيلو لحمة يفضل انه يكون فيه نسبة من الدهن20%
- 2 بصلة متوسطة الحجم
- 2فص توم
- ربع حزمة بقدونس
- ربع حزمه كزبرة خضرة
- عصير بشر طماطمايه
- ملعقة كبيرة بيكنج بودر لتطرية اللحم
- فلفل أخضر أو أحمر حار
- م ك ملح
- م ك فلفل اسود
- )م ك بهارات عبارة عن (جوزة الطيب زعتر زنجبيل + + ورق لورا + قرفة
الطريقة:
تفرم اللحمة
وبفرم البصل ناعم مع التوابل والملح وباقى المكونات ويخلط باللحمه ويضربوا سوا تانى بالكبه ثم بصباعها على الاسياخ
عشان الكفته مش تفك مننا واحنا بنشويها
لازم الكفته نطلعها من الثلاجة قبلها بوقت وما تكنش ساقعة
تانى حاجة الاسياخ تحطها على جنب الفحم وهو والع
تكون الاسياخ سخنه نوعا ما بس مش سخنه نار.
الفحم ولعته قبلها بربع ساعة وبقى جاهزورصيت عليها اسياخ الكفته يدوب كل جهه بتاخد 5دقايق وتتشوى ونطلع الكفته فى طبق تقديم مزين ببقدونس وكسبرة
2_كفته الحاتى
المقادير:
- 1/2 كيلو لحمه مفرومه وتكون ناعمه و حته دهن ضانى ودا التكه الاولى
- 1بصله كبير
- +1بطاطس كبيره مسلوقه ربع سلقه ودى التكه التانيه
- رشه قرفه +رشه جنزبيل بهارات لحمه +فلفل اسمر+ملح
- معلقه كبيره كزبره خضره او بقدونس
الطريقة:
بنخلط كل المكونات مع بعضها ونضيفها للحمه مش بنسى افرم الحته بتاعت الدهن الضانى لانها بتدى طعم روووعه ثم صبعتها ومش تنسى تبلى ايدك بميه البصل اللى على جنب بتعطى طعم للكفته ثم نرصهم في صينية تيفال ونصب عليها مائة البصل مع مراعاة عدم اضافة ولانقطة مايه لان هي هاتخرج سوائلها ولما تستوي وتحمر نكون مولعين قطعة فحم ونضع في فنجان قطعة زبدة ونضع فوقها الفحم عشان يديكي طعم المشوي ثم نعلي عليها النار حتي تحمر قليلا وتنشف من السوائل وتقدم
3-كفتة داوود باشا
المقادير:
1/2 ك لحمه مفرومه
1-حزمه بقدونس مفرومه
1- بصله كبيره مبشوره
بهارات ( ملح – فلفل – كمون- قرفه -زعتر -روز مارى -توم بودره )
الطريقة:
نضيف كل المقادير على بعض وتعجن جيدا وتكور كور بحجم حبه الجوز وتحمر بمعلقه زبدة وبعد ذلك نجهز فى نفس المقلاه اللى قلينه فيها الكفته
:مقادير الصوص
2-كوب عصير طماطم
1-بصله كبيره مبشوره
قرن فلفل و توم مفروم
الطريقة:
تشوح البصله فى معلقه زبده
وبعد ذلك تضاف الصلصه والطماطم ويقطع قرن الفلفل ويترك يغلى على النار لمده عشر دقائق ويضاف عليها ملح وفلفل وكمون ويضاف
كرات اللحم ويترك لمده عشر دقائق اخرى حتي تمام السوي
تقدم مع مكرونه او رز
كفتة بالطحينة4-
: نص كيلو لحم مفروم
- معلقه كبيره بهار مشكل
- ملح وفلفل اسود
+فلفله خضرا صغيره - بصله كبيره
- 3 فص ثوم
- بقدونس وكزبره
للصوص
كوب زبادي +تلت كوب طحينه+ عصير ليمونه كبيره + نص كوب ماء +ملح وفلفل
زيت للقلي
الطريقه
نحط البصله والثوم فى مفرمه البصل ونفرهم ناعم وناخد منهم على جنب شويه لوحدهم اللى اخدناهم لوحدهم هنعمل بيهم الصوص بعدين هنحط اللحم والبهار والكسبره والبقدونس والفلفل على البصل والثوم ونفرمهم كويس ثم نصبعهم و فى زيت شويه صغيرين اوى نحمر الكفته يادوب تاخد صدمه وتغير لونها نعمل الصوص بقه
نخلط الزبادى والليمون والطحينه والميه والملح والفلفل ونقلب كويس
ونخليه ع جنب فاكرين شويه البصل المفروم هنحطهم فى نفس الزيت اللى قلينا فيه الكفته هنضيف الصوص ياخد غلوه بس وننزل بيه ع الكفته ف طبق الفرن نحطه على الرف الاوسط فى الفرن لمده نص ساعه على 180 درجه لما تخرج تزين بقدونس مفروم على الوجه يقدم مع رز ابيض وسلطه خضرا
5-كفتة ضاني
المقادير:
- 1/2 ك لحم ضان مفروم
- 3 بصله خضراء كبيرة
- 2 عود كزبرة خضراء
- 2 عود نعناع
- 3 ملاعق كبيرة بقسماط
- ليمونه كبيرة
- ملح وفلفل
- بيضه
- ملعقة زيت
- بقدونس
- الطريقه:
- 1- يخرط البصل والكزبرة والبقدونس والنعناع ناعم ويخلطوا مع اللحم
- 2- تبشر الليمونه جيدا بمبشرة ناعمه وتستخدم فرشاة لاسقاط البشر من جوانب المبشرة ويقلب الخليط ويتبل جيدا مع البيض
- 3- تشكل الكفته فى صورة اقراص بيضاوية حوالى 5 سم وتدخل فى اربع اسياخ تغطى بنايلون وتدخل الثلاجه لمدة ساعه
- 4 تدهن الكفته بالفرشاة بالزيت ثم تشوى فى الفرن مع التقليب
- 6_المصفوفه(صينيه كفته بالخضار)
صينية كفتة بالخضار
الطريقه:
احنا بنجيب اللحمه المفرومه وبنفرم بصل ناعم مع فلفل اخضر وطماطمايه وننزل بالملح والفلفل الاسمر وجوزت الطيب وبهارات ونقلب كويس ونعملها دواير ونقطع بصل وطماطم وفلفل وبطاطس حلقات ونرصها في الصينيه وبعدين نغلي شويه ميه ونحط حاجه بسيطه في الصينيه ونفرك مكعب ماجي ونحط على الوش ورق لورا ورشه فلفل وملح وقرفه ونغطي بالفويل ونهدي النار ولما تستوي نحطها تحت الشوايه مع اضافه معلقه زيت زيتون عشان تاخد لون
كفتة برغل في الفرن7-
المقادير:
1/2 كوب لحمه مفرومه
- كوب برغل منقوع ساعه
بصله مفرومه
2 فص توم مهروس
بقدونس مفرى
ملح فلفل و بهارات سماق قرفه جوزة الطيب - أسياخ شيش طاووق
الطريقه
تخلط المكونات مع بعض فى الكبه وتترك لمده نصف ساعة في التلاجه ثم ميه البصل وابشرى عليها طمطمايه وملعقه زيت وفلفل اسود وملح وبلى ايدك بيها و تصبع الكفته اصابع فى اسياخ الشيش ثم نضعها فى صينيه مدهونه زيت ثم نضع على وجه الاسياخ ملعقة زيت وندخلها فرن متوسط الحراره لمدة نصف ساعه
اكون مجهزة فحمه سخنه احطها في صنيه وأغطي عليها هتبقى زي كفته الكبابجي - بالف هنا
