طريقة عمل الايس كريم بالفاكهة الطبيعية


بما اننا دخلنا ف الصيف والجو نار طبعا وبنبقي محتاجين ع طول حاجة ترطب ع قلبنا وع اولادنا واصدقائنا حبيت اعملكم النهاردة طريقه عمل الايس كريم البيتي اللذيذ بطريقه سهله اوي ولذيذة والايس كريم بتاعنا هيبقي ايس كريم مانجو ايس كريم فراوله ايس كريم موز
هنبتدي ب اول حاجة هي ..

ايس كريم الفراولة:

هنجيب نص كيلو فراوله متنضفه وهنحطها ف الفريزر تجمد هنجيب الخلاط ونحط في 2كوب زبادي +كيس كريم شانتي +لمونه معصورة +معلقتين عسل ابيض كباروربع كوب لبن ونضربهم كويس ف الخلاط ونضيف عليهم الفراوله المجمدة. ونستمر ف الضرب لمدة 5دقائق بعدين نجيب علبه ونفضي فيها الخليط ونغطي بالغطا بتاعه وبعديت نحطة ف الفريزر لمدة لا تقل عن8 ساعات ..

ايس كريم المانجو:

هتبقي هي هي نفس الطريقه هنقطع المانجة ونتلجها ف الفريزر ونجيب الخلاط نحط في 2كوب زبادي +كيس كريم شانتي +لمونه معصورة +ربع كوب لبن +معلقتين عسل ابيض كبار ونضيف المانجة ونستمر بالضرب لمدة 5دقائق ع الاقل وبعدين نجيب علبه ونفضي الخليط فيها ونغطي ونحطو ف التلاجة لمدة لا تقل عن 8ساعاات

ايس كريم الموز:

هتبقي هي هي نفس الطريقه هنجيب الموز ونتلجه ف الفريزر ونجيب الخلاط نحط في 2كوب زبادي +كيس كريم شانتي +لمونه معصورة +ربع كوب لبن +معلقتين عسل ابيض كبار ونضيف الموزونستمر بالضرب لمدة 5دقائق ع الاقل وبعدين نجيب علبه ونفضي الخليط فيها ونغطي ونحطو ف التلاجة لمدة لا تقل عن 8ساعات

رجــــــاء : رجاءا من كل الأخوات الكريمات اللاتي استفدن من هذه المعلومات وبقليل من الجهد مشاركة الموضوع عبر احدى ازرار المشاركة بالاسفل ولكن جزيل الشكر.