فراخ محشية مشوية.
المقادير والمكونات:
طريقه لذيذة جداا وهتعجبكم
- فرخه
- ثمرة بصله
- ثمرة طماطم
- 2ثمرة لمونه
- علبه زبادى
- مقدار كبده فراخ
- مقدار1/2 كوب ارز
- ملح وفلفل اسود
طريقة التحضير:
ابشرى البصل وخدى ميته بس للتتبيله
ابشرى الطماطم واعصرى عليها الليمون والزبادى والتوابل وعليهم ميه البصل
ادعكى بيهم الفرخه كويس وتحت الجلد وسيبيها على الاقل ساعتين
هاتى البصله اللى اخدتى ميتها مع شويه زيت على النار لحد ما تصفر
قطعى الكبده وضيفيها على البصله وقلبيها
اغسلى الارز وحطيه عليهم وشويه توابل وكوب ماء
لما الرز يشرب الميا ارفعيه من النار لحد ما يبرد
وحيكمل سوى فى الفرن
الطبخ: هاتى الفرخه وفضيها من التتبيله وصفيها
احشى الرز داخلها وتحت جلدها بس متكبسهوش عشان يستوى
اقفليها بالخله وادهنيها حته سمن بلدى او ذى ما تحبى
هاتى صينيه وحطى فيها التتبيله اللى فضتيها من الفرخه وعليها الفرخه
وذودى كوب ميا فى الصينيه عشان تستوى هيه والارز
ولو عايزه تحطى بطاطس حتبقى جميله واول ماتاخد لون الشوي هتطلعيها من الفرن وتقدميها
بالف هنا ..
