قواعد الحر الثلاثون
- اشربو ميا كتيييير ?
- استحموا مرة يوميا على الأقل ?
- الحوامل : اشربوا كتير و اتحركوا قليل
- أي سوائل تنفع تتشرب اشربوها ، و بكميات عصاير ، شوربة ، حلبة ، نعناع ، كركديه
- قللوا مشروبات فيها كافيين زي الشاي و القهوة و المياه الغازية لأنها بتزود فقد السوائل من الجسم ?
- احتياج الطفل للمياه أكتر من الكبير و ففده للمياه برضه أكتر ⚠
- الأطفال من ست شهور يشربوا مياه كتير
- اعرضي على طفلك المياه حتى لو مش بيعبر عن عطشه
- لو بترضعي اشربي أكتر من اللي حواليكي ، احتياجك انتي و رضيعك للمياه و السوائل اكتر ✅
- لو بترضعي اعرضي على طفلك رضعات أكتر لأن اكتر من ٨٠٪ من لبنك مياه و احتياجه بيكتر للمياه ✅
- و الله العظيم المواليد بيستحموا عادي و محتاجين ده في الحر الرهيب ده و ما تخافيش على السرار ?
- اقعدوا في التكييفات انتوا و العيال بس ما تنتقلوش فجأة من حار لبارد او العكس ، البسترة مش حلوة ?
- ما تنزليش وقت الضهر و احبسي العيال لغاية بعد العصر ?
- لو لزم الخروج اشربي كتير و استخدمي واقي شمس ⚠
- ١٥_البيوت حر جدا بالليل ، اخرجوا قي أماكن مفتوحة عشان تقدروا تاخدوا نفسكم
- اشربي مياه ، كتير
- لفي نفسك في بطانية صوف و طبقتين هدوم عشان تحسي ابنك الغلبان اللي لسة مولود و عاملة فيه كده حاسس بإيه ، بني آدم و الله مش معنى انه مبيتكلمش تعذبيه كده ??
- المصايف حلوة ..صيفوا
- ناسيين الفاكهة ليه ؟ الصيف مليان أنواع و اشكال من الفاكهة اللي بتعوض فقد السوايل و الاملاح من جسمك و تدي فيتامينات ???
- لون البول البرتقالي في حفاضة ابنك الرضيع معناها نقص سوايل ، انتبهي
- قافلة التكييف و المراوح و الشبابيك على العيال ليه يا ظالمة هيفطسوا ?
- قللي ملح و شطة و تسبيك في الأكل ، بصي ده مش وقت المحشي خالص ??
- حموا عيالكم المياه مفيهاش سم قاتل عشان تخافوا تحموهم ?
- اشربي شوية مياه دلوقتي قبل ما تكملي البوست و شريي عيالك
- لو طفلك حس بخمول أو ملهوف على شرب المياه انتبهي ، دي بداية جفاف ⚠⚠
- من سوء الحظ ده موسم النزلات المعوية و الإسهال للأطفال ، العلاج الأول و الفعال اللي يمنع المضاعفات و الجفاف التعويض بالسوائل ?
- لو ابنك بيتمرن أو يلعب ما تنشيش تشرييه مياه عشان ف الحر جسمه بيفقد أكتر ✅
- الحوامل خصوصا في الآخر ، قلبي عندكم يا رب تولدوا بقى ، حمل و تقل و عطش و فرهده ??
- الحوامل في الشهور الأولى ، ما تخليش نفسك المسدودة و الترجيع الكتير يخليكي تقللي شرب سوايل ، جسمك بيفقد سوايل و محتاج اكتر ✅
- اشربوا.مياه و شربوا عيالكم و حطوا مياه قدام البيوت للقطط و العصافير ،?? و في كل كبد رطبة صدقة ❤?