الحمام المغربي في المنزل

طبعا كلنا نفسنا نهتم بجسمنا وبنضافته ديما وبردو هيكون ب اقل الاسعار ومش هيكون مكلف علينا وكمان هيبقي ق البيت يعني لا هتبقي برا ولا هيبقي في مصاريف ولا حاجة وبجد هتفرق معاكي وهتفرق ف نفسيتك كتير

هندخل بقي علي الطلبات

ليفه مغربيه بتتجاب من عند العطار او اي مكان بيبع ادوات تجميل

صابونه مغربيه

طمي مغربي

زيت جونسون للاطفال

اول خطوة معانا هي حمام البخار طبعا في ناس كتير ممكن ميكونش عندها بانيو عادي بردو هتعرفي تعملي متقلقيش للناس اللي عندها بانيو هنملي البانيو مايه سخنه جداا ع قد مانستحمل واكتر شويه واهو كله بفوايدو المهم هنعد ف المياه السخنه دي لمدة لاتقل عن نص ساعه بالعكس لو زادات هيبقي احسن الناس اللي معندهاش بانيو هتقفل باب الحمام وتفتح المياه السخنه عشان الحمام يتبخر وتغضل قاعدة جوا بردو مدة لاتقل عن نص ساعه والخطوة دي مهمه جدا ياجماعه لانها بتفتح مسام الجلد وهتساعدنا ف الخطوات الجايه

بعد مايعدي النص ساعه هنجيب الصابون المغربي دة ويدهن بي الجسم كله ونجيب الليفه وندعك بيها بس ف اتجاه واحد عشان الجلد مايلتهبش وبعدها نشطف الجسم كله كويس ونجيب الطمي المغربي دة ندهن بس الجسم لمدة 5دقايق وبعدها نقوم شطفين الجسم كويس وطبعا اثنااء مااحنا ف البخار هنعمل اسكراب لبشرتنا ممكن نعمل ماسك زبادي او سكر ولمون وبعدها طبعا هنغسله عشان نبقي استفادنا ف الوقت دة بكذا حاجة وبعدها نجيب الحجر وندعك بي رجلنا كويس جداا وبعد مانخرج من الحمام هندهن جسمنا بزيت الجونسون عشان يرطب وكمان ندهن اي كريم مرطب ف رجلينا عشان اللي عملنا ميروحش ع الفاضي وبعدها بقي نجيب مايه ورد ونحطها ف الفريزر لحد ماتبقي تلج ونمشيها ع وشنا عشان يقفل مسام البشرة وبكدة هنكون عملنا 3حاجات قوت واحد بس

الحاجات دي اقل حاجة تتعمل مرة كل اسبوع وبجد هتحسو بفرق