ازاي تخلي اولادك يساعدوكي في أعمال البيت

🌹🌹
✅قوليها كدة✅
الغربال الجديد له شادة زى مابيقولوا
والمثل ده معناه ان كل حاجة فى الاول بتكون جامدة وقوية فيها حماس

بعد كدة الحماس ده بيعمل …فسسسسسسس
ايوة …كورة وبتفضي
والولاد فى المسئوليات اللى عليهم كدة برده وعشان كدة بتطلع عينك عشان يعملوا حاجة ولو عملوها تبقى بكروته وعدم ضمير ….
مش هنسي مرة امى كنت عملت وانا فى الاعدادية صينية بطاطس وكان عندنا ساعتها ضيوف وطلعت طعمة اوى اوى اوى ….واطلقوا على درجة حلاوة البطاطس دى جملة بتاعت الضيوفوكان بابا حبيبى الله يرحمه كل مايبقى نفسه فيها يقول عاوزين صينية بطاطس من بتاعت الضيوف
وكانت الحمد لله تطلع حلوة اوى
هوا بيعمل ايه بالكلام ده
بيفكرنى بنجاحى اللى فات وبيطلب من دماغى تفتح فولدر صينية البطاطس بتاعت الضيوف بمكوناتها ومقاديرها واسرارها عشان اقلد بالظبط
النجاح اللى فات
لما تلاقى ابنك او بنتك مش عاوزين يعملوا حاجة وانتى عارفة انك لو طلبتى دلوقتى هيعصلجوا فكريهم بنجاح سابق
💠فاكرة يوم ماعملتى المطبخ وقولتلك انه تحفة …عاوزاكى تعمليه دلوقتى كدة
💠فاكر يوم ماذاكرت العربى وكنت سووووبر محمد؟عاوزين نذاكره كدة تانى
💠فاكر يوم ماكنست الليفنج و
ماسيبتش قشاية على الارض محتاجة تكنس الارض تاتى كدة
قوليها كدة …
الطريقة دى احسن بكتيييييير جدا جدا من انك تخليه يعمل وبعدها تقيمي شغله ووتطلعى القطط الفاطسة فيه
على فكرة للاسف الطفل لما بيحس باى نقد لشغل عمله بيكره العمل ده
اومال اعلمه ازاى …؟؟؟
قبل مايعمل تنبيهيه
💟اعملى المطبخ وخودى بالك الرخامة تبقى فل والارض تبقى فلين✌🏼 😅
💟هات الطلبات وراجع الفلوس قبل ماتمشي من المحل
💟 رتب الليفنج وخد بالك الخداديات تتنظم بشكل جميل
⚠قبل العمل توجيه رائع ..بعد العمل …احباط وي