الاهتمام بادوات النظافة
?إسمها ادوات نظافة ما ينفعش تبقى مش نظيفة من الاخر .
?الجردل والمقشة وقطعة المسح والموب لازم يكونوا زي الفل وبيتغسلوا باستمرار وريحتهم حلوة دايما
?قطع المطبخ مابتتسابش مبلوله ومتلكوتة جنب الحوض بتشطف وتنشر وتترك تجف بعد استخدامها يوميا مش فاضية تغسلي استخدمي المناديل
?تنشيف الحوض سواء كان حوض حمام أو مطبخ بيفرق آوي في لمعانه وشكله بعد تنظيفه طرطشة المياه عليه بتقلل من مجهودك فيه
?ورق الفويل للطبخ مش البوتاجاز وتنظيف البوتجاز يوميا بعد كل طبخة أفضل بكتير وبيحافظ على البوتجاز آكتر وبيفضل كأنه جديد سنين وسنين.
?ليفة الحمام. تتعلق علشان تتصفى من المية مش تتساب في الميه. وتكون خاصة بشخص واحد بس مش فرح هو .
? ماتمهليش ايدك وتستخدمي منظفات كااوية ومواد وخلطات من غير جوانتي أو كيس. أو على الاقل اشطفيها كويس بعد التنظيف وحطي عليها كريم. إللي انسب مكان له على حوض مطبخك
? البسي شبشب بردو علشان كعبك ورجلك ماتتأثرش بالمنظفات. وجيبي حجر ب6ج وادعكيها مرة بالاسبوع على الاقل
القدم المشققة والخشنة شيء منفر جدا للزوج وبيقلل انوثتك
?استحمي كل يوم بعد إنهاء عملك في البيت
? التوك من الحاجات إللي بتتغسل وربنا وخاصة القطيفة والقماش حبة اريال وفي طبق واشطفيهم كل شهر وبرفنيهم كمان وكذلك الفرش والامشاط
? الزرع من الحاجات الجميلة. إللي بتدي طاقة وتفاؤل مش لازم زهرة التيوليب ممكن ريحان أو نعناع او حتى حلبة ومش لازم في حاجات غالية ممكن علب زبادي وربع دهان ولونيها.
? اشربي ميه كتير الف فايدة واكتر. للشعر والبشرة والمووود
? اعملى ماسك حتي وإنتي بتنظفي حطيه ما تقوليش مفيش وقت. اعمليه ولو من حاجات طبيعية في مطبخك ما تقوليش مفيش فلوس
? حبي نفسك وبيتك وحاجتك ما تقوليش مفيش نفس نعم ربنا مغرقنا بس نفتح عينينا ونشوفها
