طريقة تحضير السجق في المنزل ووصفاته …
ملف السجق البلدي
المقادير والمكونات:
- 2 كيلو لحمة مفرومة 20% دهون
- 10 فص ثوم
- 2 ملعقة كبيرة هريسة شطة
- 2 ملعقة صغيرة كمون
- 2 ملعقة صغيرة كزبرة جافة
- 2 ملعقة صغيرة بابريكا
- 2 ملعقة صغيرة قرفة
- 1 ملعقة صغيرة حبهان مطحون
- ربع ملعقة صغيرة قرنفل مطحون
- 2 ملعقة صغيرة ثوم بودر
- 2 ملعقة صغيرة بصل بودر
- ملح وفلفل أسود
- هانك (ممبار) ضاني
طريقة التحضير:
يقلب الممبار الضاني ويفرك جيدا للتخلص من أي شوائب وينقع في الخل والملح والدقيق. تكرر العملية حسب الحاجه
تخلط اللحمة المفرومة مع كل التوابل والثوم. يضاق القليل من الماء ويتم العجن باليد حتى يمتزج الخليط تماما
يدهن قمع الحشي بالزيت ويتم ادخال طرف القمع في الممبار الضاني.
نبدأ بالحشو مع دفع الحشوة بالأصابع حتى يمتلئ الممبار تماما.
يربط طرفي الممبار لمنع الحشوة من السقوط.
في حالة وجود اي تجمعات هواء بداخل السجق يتم عمل فتحة صغيرة بدبوس أبره لتسهيل خروج الهواء.
يعلق السجق على حبل حتى يجف تماما من السوائل وتتم عملية التشميع. يتم التعليق لمده ثلاث أيام في الشتاء ويوم
واحد في الصيف يتم طهي السجق بعد تمام مرحلة التعليق او يحفظ في الفريزر لمده ثلاث أشهر فقط
.وبالهنا والشفاء
1- ارز بالسجق:
المقادير والمكونات:
- 2معلقه كبيرة زيت
- 2بصله قطع
- 2 فص ثوم مفروم
- ملعقه صلصه
- 3/4كوب سجق
- 2طماطم
- 2معلقه كبيرة كسبرة مفرومة
- 2\1 كيلو ارز
- ملح
- فلفل اسود
- معلقه صغيرة بهارات
- نصف مكعب مرق
- 1 لتر ماء مغلى
طريقه التحضير
1-فى اناء على النار نشوح بصل فى زيت ولما يدبل نضيف ثوم ولما يدبل نضيف صلصه ونقلبهم مع بعض ونضيف سجق ونقلبهم شويه ولمه السجق ياخد لون نضيف طماطم وكسبرة ونقلبهم مع بعض
ونضيف الارز ونتبله ملح وفلفل وبهار ومكعب مرق ونقلبهم مع بعض
ونضيف عليهم ماء مغلى ولمه يشرب الماء نخفض عليه النار خالص ونسيبها يستوى على نار هاديه
2-وفى طبق التقديم نغرف الارز بالسجق ونرص عليها سجق
3-ويقدم وبالف هنا وشفا
2-فطيرة السجق الشرقى طعم خراااافي
مقادير ومكونات العجينة
- ٤أكواب دقيق
- نص كوب حليب بودرة
- ورشة ملح صغيرة
- وم ك بيكنج بودر
- وباكو خميرة فورية مذاب مع معلقة سكر فى نص كوب ماء دافى
- و٣معالق زبدة
- وبعدين تتعجن كلها بميه دافيه وتتساب تخمر حوالى ساعة او اتنين.
طريقة التحضير :
نقطع البصل ونتحطه فى طاسة على النار مع شوية زيت وتوم وفلفل احمر او هريسة ونقطع الطماطم ونحطها على البصل
وبعد كدة نحط السجق الشرقى وبعد كدة التوابل والملح والفلفل وربع كوب ماء نتركها تغلي وتستوي
وبعدين نفرد العجبنة في صينية ونحط السجق بعد مايستوى طبعا وينشف من الميه خالص
وبعدين نحط طبقة عجين تانى فوقها نغطيها بيها وندهنها بيضة مخفوقة ورشة فلفل اسود ورشة قرفة ناعمة ونرش حبة البركة او السمسم ونحطها فى الفرن وبالف هنا وشفا
3-صوابع الجلاش بالسجق
طريقة التحضير:
هنحتاج جلاش وسجق شرقي وسمنة سايحة وطبعا لسة الادمونة منزلة طريقة السجق الشرقي يعني مافيش حاجة من برة وكوب لبن وبيضة كبيرة وملح وفلف الطريقة هنشوي السجق او نقليه براحتكم بس عن نفسي افضل الشوي ونجيب الجلاش نفرده وندهنه سمنة بسيط ونحط عليها السجق ونلف صوابع لغاية ما نكمل الصنية كلها كد وبعدين نضيف البيضة والملح والفلفل علي اللبن ونضيفهم عليها وندخلهم الفرن وبس كدة
وبألف هنا
4-طاجن السجق الشرقى
طريقة التحضير
هاتى طاسه كبيرة وقطعى بصلتين وتوم مفروم وشوحيهم بمعلقه سمنه وانزل عليهم بفلفل مقطع ومعاهم قرن حامى حسب الرغبه وقلبي ٥دقايق قطعى السجق ونزلى عليهم وقلبي وقطعى طماطميه وشويه عصير طماطم مع معلقه صلصه وفلفل اسود وجوزه الطيب وببريكا وشويه سكر قليله وشويه ميه بسيطه وتغلى وهاتى طاجن فخار وحطى الخليط فيه ودخليه الفرن ربع ساعة وبالف هنا وعافيه وجنبه بطاطس محمره أو مكرونه وبالهنا على قلوبكم ?♥
5-مسقعه بالسجق
طريقة التحضير:
رووووووووووووعة
اولا هاتى سجق بلدى وسقطيه في ميه مغليه 5دقايق وصفيه يبرد وقطعيه قطع صغيره وعصجيه ببصل وفلفل زى اللحمه بالضبط
وبعدين حمرى بطاطس وفلفل وكوسه وبدنجان وبصل او المتوفر عندك
وابدئى رصى شرائح الخضار المحمره فى صنيه وفى النص ضعى السجق المعصج وبعدين كملى رص
وعلى الوش حطى عصير طماطم وفص توم شرائح وعلى الفرن على طول
والف هنا عليكم
تقدم مع رز ابيض وسلطه او عيش
6- طريقة عمل سجق إسكندراني
المقادير والمكونات:
- كيلو سجق بلدي
- 5 ثمرة فلفل بألوانه المتنوعة مقطّع مكعبات صغيرة
- 4 ثمرة طماطم مقطّعة مكعبات
- 3 بصلات متوسطة الحجم
- 4 فصوص ثوم مفرومين
- ملعقة كبيرة صلصة
- ملعقة صغيرة بهارات
- 3 ملعقة كبيرة زيت
- شطة (اختياري)
- ملح وفلفل
طريقة التحضير:
1- قطّعي السجق والبصل قطع صغيرة، وبعد كده حطّي الزيت في طاسة على النار وشوّحي فيه البصل المقطّع والثوم المفروم.
2- ضيفي عليهم الملح والفلفل والشطة والبهارات مع التقليب، وبعد شوية حطّي مكعبات الطماطم والفلفل الألوان.
3- استني شوية لغاية ما تحسّي إن الطماطم استوت، وبعدين حطّي السجق مع ملعقة الصلصة، وسيبيهم شوية على النار لغاية لما السجق يستوي، وقدّميه.. وبالهنا والشفا.
4-بس ده عملته بالليل كعشا محطتش بصل وااتوم علشان ميتعبش المعدة بالليل بنفس الطريقة بس طماطم وفلفل ألوان وصلصة والسجق والطعم حكاية بألف هنا
7-صينية البطاطس بالسجق???
المقادير والمكونات:
- فلفل جوليان اخضر او الوان
- طماطم جوليان
- بصل جوليان
- 4 فص توم مفروم
- زعتر
- ملح و فلفل
- مكعب مرقة
- 1 كيلوبطاطس حلقات رفيعه
- 1/2 كيلوسجق
- جبنة مبشورة شيدر + موتزرلا
طريقة التحضير:
نحط شويه زيت فى الطاسةونحط عليهم البصل ويقلب حتى يدبل ثم نضيف التوم ويقلب ثم يضاف
السجق والملح والفلفل والزعتروقرفه وجوزة الطيب ويقلب نضيف الفلفل والطماطم ويقلب نرص نص حلقات البطاطس فى الصنية المدهونه زبدة وبعدين نحط الخليط وبعدين بقيت البطاطس
وبعدين ندوب مكعب المرقة فى كوبايه ميه ويوضع على البطاطس نرش الجبنة المبشورة على وش الصنية نغطيها بورق فويل وتدخل الفرن
وألف هنا
10-السجق الشرقى بطريقة مميزة
سندوتش السجق الشهى الذى يقدم ساخنا فى محلات التيك اواى ويكون له رائحة جذابة يمكنك تجهيزه فى مطبخك بطعم
لا يقاوم أحلى بكثير من اى مطعم .
المقادير والمكونات:
- 1/2ك سجق بلدى
- 2 بصلة مبشوره
- 4 فص ثوم مقطع صغير
- 2 حبة فلفل رومى مقطع صغير
- 2 حبة فلفل أحمر حار
- 2 م.ك زيت
- 1م.ك مسترده
- فلفل اسود. ملح
طريقه التحضير:
1-يغسل السجق جيدا ويفصل عن بعض ويوضع فى ماء ساخن 5 دقائق ثم ينشل ويوضع جانبا.
2- نشوح البصل المبشور والفلفل الأسود فى الزيت دقيقتين إلى أن يتغير لون البصل نضيف السجق ونقلب حتى يتحمر قليلا ويتغير لونه
3-نترك السجق مع البصل على نار هادئه حتى يذبل البصل.
4 -نضيف الفلفل الأخضر والاحمر الحار والثوم إلى السجق .
5- ويترك الفلفل مع السجق على نار متوسطه ويمكن إضافة قطع طماطم صغيره فى هذه المرحله حسب الرغبة .
6-ثم نضيف المسترده التى تعطى مزازه للسجق لذيذه ويترك على نار هادئه 10 دقائق حتى تمام النضج.
7-يقدم بألف هنا فى سندوتشات فينو بجانب الطحينه والبطاطس المحمره أو مع مكرونه وألف هنا????????
ملحوظه:
?يمكن إضافة طماطم مقطعه حسب الرغبه ولكنى لم اضفها فى طريقتى.
?يمكن استبدال المسترده ب م.ك خل للحصول على الطعم المزز الممتع.
بألف هنا
11-فول بالسجق
المقادير والمكونات:
- نصف كيلو سجق بلدي
- 2 بصله متوسطه مفرومه
- 2حبه طماطم مقطعه
- 2حبه فلفل رومي مقطع
- 5ملاعق كبيره فول مدمس
- ملح فلفل
- 3ملاعق زيت
طريقة التحضير
نحضر طاسه كبيره ونضع الزيت والبصل ونشوحه ثم ننزل بالطاطم والفلفل ونقلب ثم ننزل بالسجق اللي سبق ونزلنا في ميه مغليه علي النار 5دقايق وبرد وقطعنا ونقلب ونتركه حوالي 10 دقائق ليستوي
ثم ننزل بالفول ونقلب ونظبط الملح والفلفل
ثم نتركه حوالي 5 دقائق يستوي ..
ويقدم بألف هنا
