طريقة عمل بوريك الجبنة اللذيذ
النهاردة ان شااء الله هنعمل مع بعض طريقه عمل بوريك الجبنه االي بنشتري م الفرنه وكلنا طبعا بنحبه وبيكون طعمه لذيد جداا وممكن ناكله مع شاي سادة او شاي بلبن وممكن كمان ندي لاولادنا معاهم ف المدرسه وهيوفرلنا وقت وكمان طريقته سهله جدا
المقادير:
- كيلو من الدقيق المنخول
- 2كوب زبادي
- 3معالق لبن بودرة
- ربع كوب من الزيت
- معلقه كبيرة خميرة
- معلقه كبيرة سكر
- معلقه كبيرة صلصه
- معلقه كبيرة بيكنج بودر
- ذزة ملح
- كوب وربع ماء دافئ
طريقه التحضير :
اولا هندوب الخميرة مع السكر ف ربع كوب من المااء وهنسبهم علي جنب عشان نشوف الخميرة هتعلي وتفور ولالا وهنجيب طبق غويط ونحط في كل من الدقيق ولبن البودرة والملح والبكينج بودر ونقلبهم جيدااا وعندما تفور الخميرة هنضيفها ف طبق العجين اللي في الدقيق ونضيف عليهم الزيت والصلصه والخل وعلبتين الزبادي ونبتدي نعجن كويس جداا وبعدين نحط الميااه الدافيه بالتدريج مع الاستمرار ف العجن لمدة 10دقائق ولازم تكون العجينه لينه ف ايدنا هنغطي العجينه ونسبها تخمر لمدة تتراوح مابين نص ساعه ل ساعه ع حسب درجة الحرارة بعدها نقطع العجينه ل اربع كور كبار وهنغطيها عشان متنشفش مننا وهناخد اول كورة ونبتدي نفردها ونجيب قطاعه او كوبايه ونبتدي تقطعها ع شكل مدور ونحشيها ب اي حاجة احنا بنحبها سوااء جبنه بيضا او كيري عادي جداا وهنجيب صنيه مدهونه زيت ونبتدي نرص البوريك فيها واخيرا هنخلص الكميه الموجودة عندنا هندهن ع الوش بقي الخليط دة معلقيتن من لبن بودرة ومعلقه من السكر ورشه نسكافيه و3معالق من المياه الدافيه وندوبهم كويس مع بعض وندهن بيها البوريك ونرش عليها حبه البركه او زعتر او سمسم اي نوع انتي تختاري …
بالف هناا
