الكيك النايتي

معانا وصفه جديدة ولذيذة وكلنا بنحبهاواطفالنا كمان بتحبها والوصفه دي هتبقي ب 7معالق دقيق الوصفه دي اهم حاجة فيها انك انتي اللي عملاها ف البيت من ايدك وكمان متاكدة من نضافتها عشان تبقي واثقه من نظافة الحاجة اللي اولادك بتاكلها

وكمان المقادير بسيطة وسهله ومتوفرة ف كل بيت

المقادير :

7معالق من الدقيق

7معالق من الزيت

7معالق من السكر

7معالق من اللبن

3بيضات

معلقه كبيرة بيكنج بودر

معلقه صغيرة فانليا

وذرة ملح

هنعاير مقادرنا دي بالمعلقه المعيار

طريقه التحضير :

اناء غويط ونضيف في عدد ال 3بيضات ثم نضيف عليهم الفانليا ثم السكر والمهم ان السكر يكون فاتح هنضرب كويس بالمضرب حتي يمتزج الخليط مع بعضه واول مانحس ان السكر داب نبتدي ننزل بالزيت واحدة واحدة وممكن كمان نستعمل الخلاط مش شرط المضرب ونستمر بخفق المكونات ثم نضيف اللبن واخر حاجة هنحطها هي الدقيق والبكينج بودر وذرة الملح ونقلب المكونات كويس جدااا ويفضل ان الدقيق يتنخل ونقلب جيدا كل المكونات مع بعض ونكون محضرين صنيه مقاس 32يعني صنيه كبيرة مستطيله فرشينها بورق زبدة او مممكن ندهن الصنيه زيت ودقيق ثم نصب الخليط ف الصنيه ولازم الصنيه تكون رفيعه عشان دة هيكون نايتي هندخلهاالفرن ع درجة حرارة 170 لمدة ربع ساعه لحد ماتاخد اللون الدهبي وطبعا هيكون ع الرف الوسطاني هنطلعها من الفرن ثم نتركها حتي تبرد ونقسمها نصفين وندهن النص الاولاني بالمربي اي نوع انتي او اطفالك يحبو. ثم نحط الجزء الثاني من فوقيها ونساوي جميع الجهات وتقسم ع 10قطع متساويه

للتزين : شكولاته سايحة

وبالف هنا ..