طريقة عمل حلوى البسكويت
بجد الطريقة دي مجربة وسهلة وبسيطة جداا وهتعجبكم وتعجب اولادكم
يلا تعالوا نشوف اول حاجة المقادير
المقادير والمكونات
- نصف كيلو بسكويت مجروش
- 4اصابع موز
- نصف كيلو عنب احمر مفرط
- علبه كنبوت اناناس متقطع مكعبات
مقادير ومكونات الكريمة
- كوب ونصف لبن
- 4صفار بيض
- نصف كوب سكر
- ربع كوب زبدة
- معلقتين كبار نشا
- معلقه صغيرة فانليا
- 2كوب كريم شانتي مخفوق
للتزيين
- صوص كراميل
- بندق مجروش
- عنقود عنب صغير
طريقة التحضير
لعمل الكريمه في بوله يوضع صفار البيض والسكر والفانليا ويقلب جيدا
ثم يضاف النشا ونستمر بالتقليب ف حله ع النار يوضع اللبن ويترك حتي يسخن
ثم يضاف جزء من اللبن الساخن ع خليط البيض ويقلب جيداا بسرعه حتي لا يتكتل البيض
ثم يضاف البيض ع اللبن ف الحله ثم يوضع ع نار ويقلب باستمرار حتي يتماسك القوام ويغطي ويترك حتي يبرد
ثم يضاف عليه الكريم شانتي المخفوق
بعد كدة نجيب البوله اللي هنقدم فيها ونوضع طبقه من البسكويت ثم طبقه من الكريمه ثم فاكهه وهكذا
ثم يتم التزيين بالكراميل والبندق وعود العنب والكنبوت اوي اي شئ انتي بتحبي
بالف هنا …
