نصائح تهمك لمطبخك ومنزلك


نصائح لمطبخك ومنزلك لكل ست بيت شطوره
نصائح جديدة

  1. دايما أحتفظى بزجاجة تنظيف الصحون الفاضية عشان تستخدميها بعد كدة فى أنك تخففى فيها السايل مرة تانية بالماء وبكدة هتوفرى طبعا .. وكمان ممكن تحتفظى بيها وتحطى فيها الكلور عشان ليها بوز صغير هيوفر عليكى بدل الدلق من الازازة
  2. دايما يا قطه حطى دواسة تحت الحوض بتاعك عشان المية او اى سوايل ممكن تقع منك
  3. خلى دايما فى كيس جمبك وانتى بتطبخى تحطى فية بقايا تنضيف الفراخ او السمك او الخضار وطبعا ترمية أول بأول عشان انتى عارفة ريحتة ممكن تعممل اية …
  4. باسكيت الزبالة دايما خلية نضيف اغسلية دايما بمطهر ولبسية كيس ماترميش فية اى زبالة سايلة او اى حاجة تعمل روايح فية
  5. دايما بعد ماتغسلى المواعيين والاطباق بالليل طهرى الحوض بشوية ليمون صغيرين مع صابونك السايل ودااايما
    اغسلى الخلاط بتاعك اول باول كويس عشان ميحصلش تكلسات علية ولونة يتغير ويصعب عليكى بعد كدة تنضيفة
  6. لو مطبخك سيراميك وبيوقع علية دهون او زيوت وش نضيف ياعنى ودى طبعا حاجة بتضايقنا قوى كبى علية شوية ماية سخنة وخل وبريل وادعكية كويس الاول وبعد كدة امسحية
  7. لو عاوزة تحافظى على لمعان الاستالس بتاع البتوجاز بتاعك مافيش داعى انك تمسحية بالمنظفات القوية زى مذيب الدهون والحجات دى عشان بتطفى اللمعة بتاعتة خلى دايما ايدك فية يا قطه اول باول وامسحية ونضفية بعد كل طبخة كدة مش هيحتاج لااى منظفات غير البريل
  8. وانتى بتنضفى التلاجة بتاعتك دايما امسحى الجوانا ت بتاع التلاجة بفرشه اسنان وياسلام لو جبتى البخاخة بتاع كى الهدوم دى وفيها شوية مية سخنة ورشيتة عليهم وانتى بتمسحى هيطرو معاكى وتبقى كويسة وعلى فكرة والله دا كلام مهندس الصيانة وهو بيصلحلى التلاجة بتاعتى
    وبلاش المفارش اللى بتحطيها فى التلاجة على الارفف دى عشان بتمنع توزع البرودة بشكل كويس لباقى الارفف
  9. دايما فضى اكياس العدس والمكرونة والحجات دى فى علب ونظمبها بشكل كويس فى المطبخ
  10. الانبوبة دايما خلى بالك منها من تحت عشان بيتخبهاتحتها الصراصير
    وكمان المكان اللى تحت الحوض دة دايما نضفية ونشفية عشان مايعملش ريحة لاانة مكان ممتاز للصراصير
  11. التيربو بتاع البصل والتوم حطى فى اخر رف فية ورقة او قماشة عشان اى ورقة او فصوص توم ممكن تقع مابين الفتحات
  12. لازم تهوى مطبخك يوميا وماتخليش اى زبالة بايتة فية او اى سوايل او اكل مكشوف عشان الحشرات
  13. عودى نفسم تمسحى المطبخ كل يوم بعد ماتخلصى وبالفنيك
  14. دايما حافظى على شكل ونظافة الرخامة خليها دايما فاضية ماتسبيش عليها غير الغلاية مثلا وحمالة التوابل والمجات والميكرويف الحجات اللى زى كدة …
  15. ماتخليش فوق التلاجة دة مكركب خلية دايما نضيف وفاضىوجملية باى حاجة لو زهرية ورد مثلا
  16. فضى مطبخك دايما من اى كركيب ياعنى لو اى حاجة مش بتستخدميها اديها لحد محتاج كوبايات . طشت زايد . حلل قديمة الحجات دى بتعمل ربكة وشكل مش حلو وممكن تتخبى فيها الحشرات ممكن تديها لاى حد محتاجها يبقى احسن طبعا
رجــــــاء : رجاءا من كل الأخوات الكريمات اللاتي استفدن من هذه المعلومات وبقليل من الجهد مشاركة الموضوع عبر احدى ازرار المشاركة بالاسفل ولكن جزيل الشكر.