طريقة عمل الكانيلوني باللحمة المفرومة
اولا: مقادير ومكونات العجينة
- معلقه زيدة
- كوب ونصف دقيق
- كوب ونصف لبن
- 3بيض
- ذرة ملح فلفل اسمر
ثانيا: مقادير ومكونات العصاج
- لحمة مفرومة
- بصله مبشورة
- فصين توم +حبه فلفل اخضر
- فلفل قرفه وجوزة الطيب
- (2معلقه زيت ونصفر البصله وفصين توم ومعها حبه فلفل اخضر ونحط اللحمة المفرومة ورشه فلفل و ملح
ورشه بهارات وجوزة الطيب)
ثالثا: مقادير ومكونات صوص البشاميل (او صوص طماطم)
- 3ملاعق دقيق مع معلقتين سمن عالنار ولما يصفروا ننزل 3 كوب لبن
طريقة التحضير:
- نخلط المكونات كلها مع بعض فى الخلاط ثم تترك 1|2 ساعه فى التلاجه
وبعد كده نسخن طاسة تيفال ونحط فيها قطعة زبدة صغيرة ونحط مقدار من العجينة دى وبعد ما تستوى نقلبها على الوش التانى وهكذا لحد ما تخلص العجينة - وبعد كده نبتدى ندهن كل كريبايه بمعلقه بشاميل ونحط لحمه مفرومه ونلفها ونجيب صنية وندهنها بمادة دهنية سمنة او زبدة ونرص وحدات الكريب جمب بعضها ثم رشيى البشاميل
- وبعدين نرش عليها الجبنة الرومى والموتزرلا المبشور
- وبعدين ندخل الصنية الفرن وشوية ونشغل الشواية عشان الجبنة تسيح وتاخد لون من فوق
بالف هنا….