سباجتي بكفتة الفراخ اللذيذة
هنحضر وصفه لذيذة جدااا وانا عن نفسي عجبتني،جداا وياريت تجربوها وان شااء الله تعجبكم
المقادير والمكونات:
- نص كيلو مكرونه اسباجتي تلتين سوا
- كيلو صدور فراخ مفرومه
- بقسماط مطحون حسب الاحتياج
- بصله مفرومه نعمه جداا
- معلقه كبيرة توم مفروم
- ملح وفلفل
- معلقه كبيرة بهارات فراخ
- كوبين عصير طماطم
- معلقتين كبار صلصه
- مكعب مرقه ورشه سكر
للتقديم
بقدونس مفروم وجبنه بارميزان او رومي مبشور
طريقة التحضير:
نعجن الفراخ المفرومه مع البصل ونص كميه التوم وشويه من البقسماط المطحون والملح والفلفل والبهارات ونعجنهم كويس جدااا ونشكل الكفته كور صغيرة وف طاسه ع النار نحط فيها شويه زيت ونحمر الكفته كويس
وبعدين نرفعها من ع النار وف نفس الطاسه نضيف باقي التوم يصفر
وبعدين نضيف عصير الطماطم والصلصه ومكعب المرقه ورشه سكر وملح وفلفل وكمون وكسبرة ناشفه ونسبهم يتسبكو مع بعض ونضيف كوب من المااء المغلي ونحط الكفته ف الصلصه ونسبها تغلي لمدة 5دقائق
وبعدين نضيف المكرونه ونقلبها كويس ونقدمها ..
بالف هناا..
