طريقة عمل طاجن البامية باللحمة
هنعمل النهاردة طاجن البامية باللحمة اللي كلنا بنحبه وبنقدره بصراحة لان طعمه بيكون تحفة ومتنسوش كمان ان اقرب طريق لقلب الراجل معدته عشان كدة بنحاول نجبلكم جميع طرق وانواع الاكل اللذيذ
مقاديرنا هي:
- نص كيلو بامية ومتنضفه وصغيرة
- نص كيلو لحمة مكعبات صغيرة ونسلوقها تلتين سوا
- 50 جرام لية مفرومة
- معلقه كبيرة توم مفروم
- بصلة مفرومة
- كوبين من عصير الطماطم
- قرن فلفل حامي
- ملح وفلفل والسبع بهارات ورشة سكر ومعلقة صغير وكسبرة ناشفة مكعب مرقة دجاج وشوربة سلق اللحمة
طريقتنا هي:
ف حله علي النار هنحط معلقه سمنة ونشوح فيها البصلاية لغاية ماتتدبل ونضيف الطماطم والصلصة ومكعب المرقة والبامية واللحمة المسلوقة ونص حبه التوم مع اضافه الملح والفلفل والبهارات السبعة ورشه السكر ونسبهم يتسبكوا مع بعض كويس ونضيف كوبين م الشوربة بتاعت اللحمة ولما يغلوا نفضيهم ف طاجن ونعمل طشة
نحط معلقه سمنه مع بقيت التوم مع الكسبرة الناشفةونحمرهم لغاية ما يبقي اللون دهبي ونضيف الطشة للطاجن مع اضافة قرن فلفل وندخل الطاجن الفرن ربع ساعة ويكون جاهز للاكل
بالف هنا…
