طريقة عمل طاجن المكرونة بالفراخ
المقاديروالمكونات :
- نص كيلو صدور فراخ مقطعه مكعبات صغيرة
- كيس مكرونه قلم
- قرن فلفل حامي مقطع شرايح صغيرة
- كوبين عصير طماطم
- معلقتين كبار صلصه
- بصله مفرومه -ملح وفلفل وكمون والبهارات السبعه -رشه سكر -بهارات فراخ -مكعب مرقه
طريقة التحضير:
في طاسه علي النار وفيها زيت نشوح قطع الفراخ كويس جداا مع اضافه فلفل والبهارات الفراخ وملح ونضيف الفلفل الحار والبصل ونشوحهم لغايه مالفراخ تستوي ونرفعها من علي النار
هنجيب حله ونحط فيها معلقتين زيت ولما يسخنو نضيف الطماطم المعصورة والصلصه و البهارات ورشه سكر ومكعب مرقه ولما يغلو نرفعهم من علي النار
ونحضر طاجن وندهن زيت ونحط الفراخ في ارضيه الطاجن وفوقها نحط المكرونه
وبعدين صوص الطماطم ونزود مايه مغليه لغايه ماتغطي المكرونه كويس ونغطي الطاجن بورق فويل وندخله الفرن يكون سخن جداا علي درجة حرارة عاليه علي الرف الي في النص لمدة نص ساعه ويخرج ويقلب ويقدم .
بالف هنا ..
